我同你一樣都係90後,由小學五年級開始陽光唔再係我既朋友。
呢個病已經跟左我14年啦,期間都復發左5次,每次復發醫生都會加大 #類固醇 既份量,直至病情受控就可以慢慢減藥,同時我雙腳既橙皮紋都愈黎愈多。
夏天我真係好想著裙,好似身邊既朋友咁著短褲,但係d #橙皮紋 多到連我自己見到都覺得好恐怖,重點係d紋係紅紅地色。(由大脾到小腿都有,醫生話係食類固醇既副作用,加上瘦得快所以d微絲血管爆左,所以d橙皮紋上會有紅色。) 好羨慕身邊既人可以著短褲短裙😭😭
我為左呢樣野喊左好多次,阿媽成日同我講叫我唔好成日著長褲 成個男仔咁,其實我都好想著裙做女仔架😭😭😭😭
朋友同屋企人話其實唔明顯,但係我試過係街著短褲,好多人會望到仲會細細聲講,有好幾次我聽到d人講 : 「佢隻腳咩事? 」
唉。每次佢地咁講我仲 #難堪。