Hi, 我畢業左一年啦, 我唔係Lupus患者, 但我由年頭到而家都喺威爾斯睇緊風濕科, 病因不明。 我病例好特殊, 連Prof Edmund Li都話好少見, 我雙手手腕無法45度屈起, 轉天氣果陣會痛, 幸好只係單手。雖然無特別影響活動能力, 但真係好難忍受。有時痛楚會從腕骨轉移至神經線就仲痛, 好明顯見到肌肉萎縮緊, 休息完一晚無咁痛, 但仲係好唔靈活, 呢個情況一個月總有一星期係咁, 呢幾年腕力都差左幾多。
![](https://static.wixstatic.com/media/11062b_960c637c33c24bd5be24296317037243~mv2.jpg/v1/fill/w_147,h_109,al_c,q_80,usm_0.66_1.00_0.01,blur_2,enc_auto/11062b_960c637c33c24bd5be24296317037243~mv2.jpg)
醫生無開藥比我, 我都盡量唔塗藥膏同食藥, 因為食完會由痛變僵, 又有其他副作用, 一樣好辛苦。我病情連一個診斷標準都達不到, 抽血又咩事都無, 偏偏腕骨就收窄, 勞損兼有炎症跡象, 佢就覺得係R.A., 又話唔痛就唔洗理, 比我半年覆一次診, 其實我想覆密D架....因為我都好想知到底咩事會咁, 佢話可能細個發作過但我唔知先變到咁喎......唯有希望唔好惡化落去, 因為...真係好痛。
你要好好接受治療, 多做輕量運動活動關節, 終有一日會好番架, 加油啊!