我知道呢個fb page好耐，不過一直冇分享自己嘅故事，因為覺得同其他患者一樣，冇咩特別野，一樣都係，左搞右搞先確診，期間仲因為淋巴大要冇麻醉情況吓抽組織。之後又開刀拎左其中一個淋巴出黎化驗。之後一樣都係周身痛，連打乞嗤同打c egg都痛，心口痛。心口成日好似有團氣咁轉，轉到某個位就會打c egg 。頭皮keep住痛，個人 #冇記性 又好似冇乜腦咁，學吾到野，記吾到野。
我頭先見到你一個post，覺得自己一定要留言比你。我記得我第一次懷孕2012年係超開心，係個女黎嫁，有一次，緣份情況下，我求籤，（果時未見肚）個解籤已經話籤文寫左我有喜，係女仔，好叻嫁，吾好吾要。我當初仲諗傻嫁，點會吾要。 之後我一直都定時係婦科，同有去威爾斯覆診風濕科。直到陀到5個月，因為五個月要照bb結構，醫生話BB冇胎水即係腎有事，叫我放棄，因為生咗出嚟都要洗腎，佢會好慘，我睇左幾個醫生都叫我放棄。最終唯有放棄。
除左難過，我亦都好吾明白點解，BB會淨係腎有事？因為我有紅班狼瘡？直至今年2020年我覆診，多年黎嘅迷，終於有答案。醫生問我有冇打算 #懷孕？
如果有，要停左黃色果粒藥，雙尖果粒呀！會影響BB個腎嫁。果刻我當堂呆左。呢一刻咩都補救唔返，一條生命，屬於自己寶貴嘅寶貝已經消失。所以希望有紅班狼瘡嘅病人記得問清楚自己D藥對BB有冇影響。