我自小就患有紅斑狼瘡，自今已有17年了，從小到大都好少係外人面前提及自己個病，小學中學因為要請假覆診/復發，學校的老師和同學先知我有呢個病，上左大學我就更絕口不提，我害怕別人的眼光，害怕成為人哋茶餘飯後既話題，害怕變成一個特別的人，我只想做個普通人。
記得細個住院時認識了一位病友，大家還交換了聯絡方式，雖然唔係好熟，但一年後，watsapp 突然收到佢離世既短訊，個刻既心情好沉重。即使宜家諗起，個心仍然抽著痛。可能因為呢件事，我漸漸遠離一切有關呢個病既負面資訊，怕會挑起我 #負面既情緒。長久以來既逃避，令我唔識如何係新朋友面前表達自己真實既一面，但我似乎習慣了，唔講好似無咁大壓力，大家當我正常人看待，只係去到某些位時，例如戶外活動時，我要不斷找藉口推，有些人因此講出一些 #難聽既說話，但我心裡明白不能怪任何人，因為呢個係我既選擇。
縱使係咁，我仍然覺得少d提起個病自己會開心d。但最近我開始感到疑惑，講與唔講，成為我認識異性既一個障礙，我唔知應該甚麼時候講，一開始講又怕會失去互相認識既機會，之後先講又好似欺騙了對方咁，好矛盾。我甚至因為怕對方嫌棄自己，而自己先放手了。呢個課題我真係唔知點處理好。